حظك مع الكارطة
حظك مع الكارطة للشواف مهند الحربيلي ليوم السبت 14 نونبر 2015
مهند الشواف صاحب أكبر سر لعجائب الكارطة في حياتنا ومستقبلنا، وقد تعلم أسرار الحظ من الكارطة على يد الشوافة والحلايقية الروحانيين بمدينة مراكش، ثم صقل موهبته من “قتيل القمارة” المشعوذ سفيان عريجة ، وساعده أحد اليهود المغاربة في التعرف على وسائل الخداع والمكر لمعرفة حقائق الشخصية الانسانية من قواعد الكارطة، ويعد صاحب أول دعوة لتوحيد الشوافة الروحانيين بجمعية وطنية، وله مشروع رائد لإنشاء أكاديمية في قراءة الكف والأبراج والكارطة وأرقام الحظ …وستعرفون ورقتكم عندما يذكر أصحاب الورقة بأول حرف أواشارات أخرى في أسمائهم بعد توزيعة (تتياك) بعد تزايد طلبات القراء والمتتبعين …
سنذكر أصحاب الورقة بحرف أواشارات في أسمائهم : تتياك يوم السبت 14 نونبر 2015
اللاص : سميتكوم فيها الشين ولا الفاء … كل غلاب تيجيب ليه الله غلابو.. هذا هو الكلام اللي خاصكوم تعرفوه باش ما باقيش تظلموا شي واحد سوا بالكلام او الفعل .. راه الظلم ظلمات يوم القيامة .. وبلا معاندة … فقد قال الرسول صلى الله عليه وسلم ” كما تدين تدان”
الضوص :اسميتكوم فيها الواو ولا الصاد … اش داكم تمشيوا للزين .. كاع العينين غاديوا يحضيوك … وغادي يكثروا الحسادة والمحقادة .. خاصكوم تستروا الزين اللي عندكوم ايلا بغيتوا السلامة والعافية… واللي يلبس قدوا غادي يواتيه.. والحر بالغمزة والكانبوا بغا الهمزة…
التريس : اسميتكوم فيها الألف ولا الحاء… ايلا بغيتوا تكونوا بعقلكم احفظوا واحد الآية غادي تخليكوم ناجحين ديما في حياتكم ومن بعد الموت ديالكم.. قال الله تعالى : ﴿مَنْ كَانَ يُرِيدُ حَرْثَ الْآَخِرَةِ نَزِدْ لَهُ فِي حَرْثِهِ وَمَنْ كَانَ يُرِيدُ حَرْثَ الدُّنْيَا نُؤْتِهِ مِنْهَا وَمَا لَهُ فِي الْآَخِرَةِ مِنْ نَصِيبٍ)
الكواترو :اسميتكوم فيها الياء و لا الألف … ما زال ما بغيتوا تفهموا راكوم كوانب مصاحبين مع اللي تيبيع القرد وتيضحك على اللي شراه.. اش ربحتوا منهوم .. كون فيهوم الخير كون داروه ف واليديهم او اولادهم.. والدليل ديال كلامي غادي تعرفوه بمثل واحد “اللي تيكول ليك تيكول عليك”
السينكو : اسميتكوم فيها الراء ولا العين ..هاد الأيام صبرت باش نقرا سورة الكهف بالفرنسية وما كرهتكومش حتانتوما بالذات تحاولوا تديروا بحالي راه لقيت هاد التجربة مزيانة بزاف غادي تخليني نتقن الفرنسية بالمفردات الدينية ونفهم القرءان بلغة اجنبية .. قراوا بالفرنسية واخا غير السور الي حافظينها..
السات :سميتكوم فيها الجيم ولا الضاد … بغيتوا شي كتاب تستافدوا منو وتقدروا تلقاوا راسكوم ناجحين ف العلاقات ديالكوم في المجتمع ما عليكم غير بأحسن كتاب في التنمية الذاتية لواحد الميركاني مشهور هو كارينجي والكتاب سميتوا “كيف تكسب الأصدقاء وتؤثر في الناس”
الصوطا :سميتكوم فيها الهاء ولا الكاف .…بعض المرات خليوا العقل ديالكوم فايق او عايق وخصوصا نهار الجمعة في الجامع حينتاش كاينين شي ائمة تيبقاوا غير يخربقوا ويخرفوا .. خصوصا هادوك اللي تيقراوا القصص ديال الأولياء والعارفين وتيبينوههم تيديروا شي حوايج ما داروهم الأنبياءوالصحابة..
الري :سميتكوم فيها الميم ولا الباء… راه كالوا زمان الزين بحروفواا اديه لمو تشوفوا، والقرع بفلوسوا ارا داك الراس نبوسوا .. وبالصراحة الكثير منكوم ما فيه زين ما عندو فلوس .. ايوا اش غادي تاتناظروا يديروا معاكوم الناس.. بغيتوا الحقيقة راه الواقع تيكول اش تتلبس اش تتسوا بمعنى ضربوا الناس على الشعا بلا تنصابت..
اريد ان اعرف ماذا سيحدث لي
.je voudrais bien savoir mon avenir
Je voudrais savoir si j aurais l argent